|
HASI DA ESKOLA IBILTARIA 35 ikasle ibiltariek hasi dute lehen etapa, Lizarratik Eulatera eramango dituena. Gaur goiz osoan zehar Lizarran izan ostean, Viloriara abiatu dira autobuses. Bertan azken ikazkinetako baten hitzaldian egon ondoren Eulaterainoko etapa hasi dute Urbasan zehar barneratuz. Oraingoz eguraldia lagun dute, baina gauerako ekaitza iragarrita dagoela eta, pilotaleku batean lo egingo dute. Hala ere umorez eta alai hasi dute lehen eguna. Eguerdiko 12etan izan da harrera ekitaldia, eta bertaratutako 35 ikasle ibiltariek ongi etorria eta haien asteburuearen berri jaso ostean lehen hitzaldira abiatu dira. Lizarrako abekltzain bat, artzai bat eta nekazaritza ekologikoa lantzen dituen lagun bat izan dituzte mintzakide. Hauek, Lizarrako nekazal egoeraz mintzatu zaizkie bertaratutakoei. Eskualdearen arabera egokitutako nekazaritza eta abeltzantza baten beharraz hitz egin diete.
Hitzaldi honen ondoren, bazkari garaian ezagutza jolasak burutu dituzte. Euskal Herriko txoko desberdinetatik bertaratutako kideek, hobeto ezagutzeko aukera izan dute. Bazkariaren ostean autobusean abiatu dira guztiak Viloriara. Bertan, Euskal Herrian geratzen den azken ikazkinetako baten eskutik, txondorrak nola egiten diren ikasi dute. Ikazkin honek, gaur egun, haren lanbidearen bidez bizirautea oso zaila dela adierazi die. Interes askorekin entzun dituzte ikasle ibiltariek haien hitzak. Hitzaldia amaitutakoan ibilaldiari hasiera eman diete. Vilorian hasi eta Eulatera bidean dira orain. Urbasako paraje ederrak ezagutuz iritsiko dira bertaraino. Gauean, afari indarberritzaile baten ondoren, Lizarratik etorritako ikasle ibiltari batzuen eskutik izango dute kantaldia. Bihar Urbasan zehar ibiliko dira egun osoan zehar. |
|
|
Eskola Ibiltariko hiru egunetan ezin duzula etorri? Lasai, badaukazu azken egunean, ibilaldian egon garenokin batera ondo pasatzeko aukera.
Azken eguneko egitaraua:
- 17:30etan Arbizura iritsi eta dutxatu eta motxilak lo-lekuan utziko ditugu
- 19:00etan, aldarrikapenez betetako kalejira-poteoa Arbizuko kaleetan
- 20:00etan Ekitaldia
- 21:00eta Afaria*
- 23:00etan Kontzertu sorpresak Arbizuko gazte lokalean.
-Afaria*: Ibilaldian egon ez zaretenok, 7 euro ordaindu beharko dituzue. Ezer gutxi, bertan aurkituko duzuen giroa kontuan hartuta.
Afaltzera etortzeko asmoa daukazuenok, idatzi mesedez mezu bat
Helbide elektroniko honek spam bot-en kontrako babesa du. Ikusteko Javascript-a aktibatu behar duzu
helbidera, azken orduan jatekorik falta ez dadin. Hiru egunetarako izena emateko: klik |
|
  
Gero eta gutxiago falta da Eskola Ibiltarirako, eta herrietan hasi dira planak egiten.
Oarsoaldean egin dute Eskola Ibiltariko lehen aurkezpena. Ikasle eta gazte dezente bildu ziren, hiru egunetako eskolaren nondik norakoak jakiteko, eta planak egiten hasita, bakoitzak zer eramango duen erabakitzeko. Giro onean aurkeztu zuten Lizarratik Arbizura arteko aurtengo Eskola Ibiltaria. Arabar Errioxako Ikasle Eguna Arabar Errioxako ikasleek, urtero bezala,Ikasle Eguna ospatu zuten ikasturte amaierarekin batera, eta ospakizuna, Eskola Ibiltaria aurkezteko ere erabili zuten.
Jendea animoz beteta omen dago, eta hori igartzen ari da matrikulazioan ere. Izen emateak iritsi eta iritsi ari dira. Badakizue, oraindik zuen izena eman ez duzuenok, hemen klik eginda daukazue horretarako aukera. Animatu eta parte hartu! Hurrengo deialdia:
Ezkerraldeako Ikasleek ere, kurtso amaierako Ikasle-Afaria antolatu dute datorren ekainaren 26rako. Afaria Mamariagako kultur etxean izango da, eta tiketak 8 euro balio dute. Inguruko herrietako ohiko tabernetan erosi daitezke.
Ezkerraldeako Ikasle Abertzaleek, Eskola Ibiltaria aurkezteko ere erabili dute afaria. Baietz afarira bertaratutako denek izena eman! |
|
Matrikulazioa martxan dago jada. Esan bezala, uztailaren 2, 3 eta 4an izango da aurtengo Eskola Ibiltaria. Lizarratik Arbizura arteko bidea egingo dugu bertaratutako denok.
Baina horretarako, izena eman beharra dago. Batez ere azpiegitura beharrei ahalik eta ondoen erantzuteko, zenbat pertsona batuko garen jakitzea komeni zaigu eta.
Egin klik hemen eta eman zure datuak. Segituan jarriko gara zurekin harremanaten. Lizarran ikusiko dugu elkar! |
|
Aurtengo Eskola Ibiltaria aurkeztu dugu. Arbizun zehazki, aurtengo edizioa bukatuko den herrian bertan. Lizarran hasi eta Arbizura arteko ibilaldia egingo baitugu aurten. Apuntatu agendetan. Uztailak 2, 3 eta 4an badaukagu eta zita bat, Sakanan.
Aurtengo eskola gehienen gai zentrala, Lurraren ustiapena izango da.
Baina Eskola Ibiltarian sekula egon ez zaretenok, ez dezazuela uste, eskola jaso eta ematearekin nahiko izango dugula. Ez horixe. Hori baino asko gehiago da Eskola Ibiltaria. Gu bezalako beste ikasle asko ezagutzeko aukera izango dugu. Elkar harremantzeko, Euskal Herriko txoko zoragarriak ezagutzeko, eta ondo pasatzeko beta izango dugu Uztaileko 3 egun horietan. Azterketetako, Selektibitateko edo Baxoko eta gainontzeko froga itogarrietako izerdiak sikatu, eta badakizue, Lizarran elkartuko gara!
Nola eman izena?
2o euro balio ditu bonoak. (dutxak, eta eguneroko gosari eta afariak barne)
Izena emateko, datorren astetik aurrera web orrian bertan izango dugu aukera, Eskola Ibiltariko bannerraren gainean klik eginda.
Autobusetan izena emateko aukera, herrietako ohiko tabernetan izango dugu.
Animatu, eta hasi planak egiten! Ez da eta galtzeko moduko aukera! |
|
|
|
|
<< Hasiera < Aurrekoa 1 2 3 4 5 6 7 8 Hurrengoa > Amaiera >>
|
|
Orria: 1 Guztira: 8 |
Jarioak
